Aku Hararei

Aku Hararei!!

E maha oku mahi ki ro hararei, engari ki te kore whakaputa ki te ao aku tapuwae katoa he poto noaiho te korero!

 E maha nga tumomo mahi pai i mahi ahau, I te timatanga o tenei wiki i haere au ki Otautahi mo tetahi hopuranga pouka whakaata! akuanei kei runga au i te hongere tahi, natemea i haere au ki runga i tera tiata kemu "Brain Busters", ahakoa kare au i toa, he pai tonu te wa ki te taha o Awhina! (I runga ia i te tiata kemu hoki.)

I te mutunga o tenei wiki tuatahi o nga hararei, I noho tahi maua ko taku Tuahine ki poneke, ki tona whare, I tunu kai taua, i matakitaki te kiriata Soul, I hikoi haere ki roto i tetahi ngahere ki Otari te ingoa, tuku mihi taua ki tetahi rakau 800 ona pakeke :) Harikoa au ki te noho ki te taha o taku tino tuahine :) 

Na wai ra i te Wenerei o te Wiki Tuarua i hoki au ki te kainga, engari i tera ra tonu i mua i taku wehenga,
i kahi tahi matou me oku tuahine e rua, ratou ko taku Paapaa. Heoi ano, I hoki ahau ki te kainga, pouri rawa atu.

I te mutunga o te Wiki Tuarua i haere tahi taku whanau, tangohia taku tino tuahine, ki te whare o kui! waho ake tona whare i a Papaioea, i kai matou, i tikina rakau mo te ahi, i whangaihia nga hipi! nga hoiho hoki! Na wai ra i haere ahau me oku tuakana ki te whare o Kim, (He hoa o taku kuia) kei tona whare he tarere, he puna wai, a he waka wai hoki!! Ka rawe tona whare.

I te Raatapu i wehe, i hoki tatou ki te kainga, ka kite kui! ma te waa :)
Ana ko tera taku hararei!

-Parearohi

He aha te Hukawaitare i heke ai? (How does Hail fall) *In maori*

 

Te Kohi Pipi

 

Kiaora e te ao matihiko, kei raro ra taku mahi e pa ana ki te kohi pipi, kua ahua wareware ahau he aha ai i tipako ahau era kupu ki nga tae, engari he pai tonu.
I roto i tenei tuhinga, kua whakatakoto au i aku whakaaro, e pa ana ki te kohi kai, i whakatakoto au i etahi meka e pa ana ki nga pipi, aha atu, aha atu, kaua e wareware kia panui i te mea katoa, kia pai tou ra! -P.E

Te Kohi Kai Moana

I nga ra o mua, i kiikii ana te wai ki nga kaimoana katoa, ki nga moana oneone, ki nga moana papatahi, noho ai nga pipi. 

Ana he ingoa ano ko te Paphies Australis, engari ma te wa, pakupaku te maha o enei kararehe, pea na te tini o te taiao, na te pukukai ranei, pea na te kore u ki nga tikanga, aua.

Engari mamae rawa a Tangaroa, pirangi ia i to matou awhina, kia ora katoa ona pepi, ana I te tuatahi kaua rawa e wareware ki te tuku karakia ki a Tangaroa a te wa ka kohi kai, Tuarua titiro ki te wai, tatari kia timu, i te mea mena he tino hohonu, pea ka toromi, I te tuatoru, a te wa ka kohi pipi, Ko te mahi utaia rawa atu ko te takahi, i te mea ka tere hopu.

Engari me whakahoki to hopu tuatahi hei ora tonu ai te kaimoana,

 mena he iti noa te pipi, ai me whakahoki ki ro wai.
Ko enei etahi tikanga matua, engari ko te patai nui, he hua o enei mahi?

Ki taku nei whakaaro he nui nga hua, natemea ko te oranga o nga kaimoana he mea nui ki te ao maori, ki te ao katoa hoki, A ko ratou nga kararehe moana, e awhina ia matou, e awhina i te taiao hoki, a ko ratou e nga meroiti tipu e pupuri i te nuinga o te hauhaa mai i o matou motoka, te aha ranei, ana ko te nuinga o nga momo pipi e kai i nga meroiti tipu, hei noho te hauhaa ki roto i te wai, engari mena ka mate tonu te haere o nga kaimoana, ka hoki tera hauhaa ki roto i te rangi, Na wai ra he tino painga nga ika ki tenei ao, 

He tino painga kia u ki nga tikanga hoki.

Ki taku whakapono kare matou he wa nui kia whakatika i enei mahi porangi, Ki taku whakapono mena kotahi tau te wa kia pakeke nga Pipi, me hoatu matou he wa kia tupu ano ratou, ki te kore he haumaru ki te kii ka mate tatou katoa, me hoatu te wa hei tupu ano nga kaimoana katoa, e taea ana nga pipi te neke ki mua ma te Huuwareware, na reira e taea ana matou te neke ki mua ma te kotahitanga. TIHEI MAURI ORA

TE MUTUNGA.

Te Weka.

  Ko Parearohi ahau, kei roto i te kura o Otaki, te akomananga tuakana hoki.

Ko te mahi i tenei wa e pa ana ki nga Kiore raua ko te Weka, natemea i te mutunga o te tau he haerenga ta tatou akomanga, ki tetahi motu e maha nga weka, na reira kua tuhi ahau etahi korero e pa ana ki tenei kararehe, mena kei a koe etahi korero ano e pa ana ki tenei, koa tuhi mai ki raro!

Te Kiore.

 Ko Parearohi ahau, kei roto i te kura o Otaki,

Ko te mahi i tenei wa e pa ana ki nga Kiore raua ko te Weka, natemea i te mutunga o te tau he haerenga ta tatou akomanga, ki tetahi motu e maha nga weka, na reira kua tuhi ahau etahi korero e pa ana ki tenei kararehe, mena kei a koe etahi korero ano e pa ana ki tenei, koa tuhi mai ki raro!